INDvsNZ : अमेझिंग! रविंद्र जडेजाने घेतलेला 'हा' कॅच एकदा पाहाच! (व्हिडिओ)
Sunday, 1 March 2020
पहिल्या डावात भारताने २४२ रन केल्या. प्रत्युत्तरादाखल न्यूझीलंड २३५ धावा करू शकली. भारताच्या मोहमंद शमीने ४, जसप्रीत बुमराने ३, जडेजाने २ आणि उमेश यादवने १ विकेट घेतल्या.
INDvsNZ : ख्राईस्टचर्च : टीम इंडियातील सध्याचा नंबर एक ऑलराउंडर असलेला रविंद्र जडेजा हा तितकाच जबरदस्त फील्डरसुद्धा आहे. कॅच असो किंवा डायरेक्ट हिट जडेजा सहसा चुकत नाही. त्यामुळेच टीम इंडियाच्या चाहत्यांचा जडेजावर कमालीचा विश्वास आहे.
- ताज्या बातम्यांसाठी डाऊनलोड करा ई-सकाळचे ऍप
न्यूझीलंड आणि भारत यांच्यात सुरू असलेल्या दुसऱ्या कसोटीवेळी याची प्रचिती पुन्हा आली. जडेजाने एका हातात घेतलेला अफलातून कॅच पाहिल्यानंतर मॅच पाहणारे सगळे अवाक् झाले.
- INDvsNZ:एकादिवसात पडल्या 16 विकेट्स; भारत मालिका पराभवाच्या उंबरठ्यावर
टीम इंडियाने २४२ धावांचे टार्गेट दिल्यानंतर मैदानात उतरलेल्या किवीज संघाने पहिल्या सत्रात ५ गडी गमावले. भारतीय गोलंदाजांच्या माऱ्यापुढे किवीजच्या वरच्या फळीतील फलंदाजांनी लोटांगण घातल्यानंतर तळातील फलंदाजांनी मात्र चांगलेच झुंजवले. कॉलिन डी-ग्रँडहोम, नील वँगर आणि कायले जेमिसन यांनी चिवट फलंदाजी करत न्यूझीलंडला २३५ पर्यंत मजल मारता आली. त्यामुळे भारताकडे फक्त ७ धावांची आघाडी राहिली.
Witness the epic catch by Ravindra Jadeja.
Might delete later.#NZvIND pic.twitter.com/RcOwmrHAdf
— Subhayan Chakraborty (@CricSubhayan) March 1, 2020
जडेजाने घेतला नील वँगरचा अफलातून झेल
दरम्यान, नील वँगर आणि कायले जेमिसन यांनी नवव्या विकेटसाठी ५१ धावांची अर्धशतकी भागीदारी केली. मोहम्मद शमीने ही जोडी फोडत न्यूझीलंडचा हादरा दिला. शमीने टाकलेल्या ७२ व्या ओव्हरमधील शेवटच्या बॉलवर वँगरने स्क्वेअर लेगला हवेत शॉट मारला. तो कॅच होईल याची कुणाला कल्पना नसताना जडेजाने हवेत उंच उडी मारत एका हातात हा अफलातून कॅच घेतला.
- 'ट्‌वेन्टी-20 वर्ल्डकप खेळायचा असेल तर...'; कपिल देव यांचा धोनीला गुरुमंत्र
जडेजाने घेतलेला कॅच पाहून दोन मिनिटांसाठी स्वत: वँगरही आश्चर्यचकित झाला होता. जडेजाने घेतलेल्या या कॅचसाठी टीम इंडियातील सर्व खेळाडूंनी त्याचे अभिनंदन केले.
Catch of the year... @imjadeja
Champion Fielder !! #INDvsNZTestCricket #RavindraJadeja#SirJadeja #cricket #ViratKohli #bumrah #shami pic.twitter.com/BCFdlijTiz— Hadvani Deep (@hadvanideep99) March 1, 2020
तत्पूर्वी, जडेजाने १० ओव्हरमध्ये फक्त २२ रन देत रॉस टेलर आणि कॉलिन डी ग्रँडहोम यांनी पॅव्हेलियनमध्ये पाठविले होते. तसेच बी.जे.वॅटलिंगचा एक कॅचही त्याने पकडला होता.
- INDvsNZ: 'या' फास्ट बॉलरचा विराट कोहली ठरलाय 'बकरा'!
पहिल्या डावात भारताने २४२ रन केल्या. प्रत्युत्तरादाखल न्यूझीलंड २३५ धावा करू शकली. भारताच्या मोहमंद शमीने ४, जसप्रीत बुमराने ३, जडेजाने २ आणि उमेश यादवने १ विकेट घेतल्या.